?LIVE: Б.Заяабал: Малчдын НӨАТ-ын суутган төлөгч байхыг 100 хувь чөлөөлсөн
ТЕГ-ын Б.Заяабалаас цаг үеийн асуудлаар зарим зүйлсийг тодрууллаа.
Татварын ерөнхий газрын дарга Б.Заяабал:
-Татварын хуулиудад нэмэлт өөрчлөлтүүд орсон. Тухайлбал, Засгийн газраас хэрэгжүүлж байгаа төвлөрлийг сааруулах бодлогын хүрээнд орон нутагт барилга барьсан аж ахуй нэгжүүдийн татварыг хувь хэмжээг 50-90 хувиар хөнгөлөх заалт орсон.
Мөн НӨАТ-д өөрчлөлт орсон байгаа. Малчин өрхүүд малын гаралтай бүтээгдэхүүнээ зарж борлуулсан тохиолдолд орлогоосоо и-баримт өгөх хуулийн зохицуулалттай. НӨАТ-ын хуулийн дагуу 50 сая төгрөгөөс дээш орлого олсон тохиолдолд 10 хувийн татвар төлөх үүрэгтэй. Бид и-баримтыг төлөх хялбар харилцааг бий болгож өгсөн. Гэсэн ч малчид энэ асуудлаас болоод дотоодын компаниудад ноос ноолуураа тушаахгүй байгаа асуудал байна. Ченжүүдэд өгч эхэлсэн. Иймд малчдын НӨАТ-ын суутган төлөгч байхыг 100 хувь чөлөөлсөн. Өөрөөр хэлбэл, малчин өрх НӨАТ төлөгч болохгүй гэв.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.