“Эх нярай, эмэгтэйчүүдийн үндэсний төв”-д 0-2 насны 17 хүүхдэд буруу тариа тарьсан байж болзошгүй хэрэг гарсан. Эмнэлгийн удирдлагын зүгээс "400 гаруй хүүхдүүдэд ижил серийн дугаартай тариа тарьж байгаа учир тариатай холбоогүй. Найруулсан тариа дотор ямар бодис орсныг гаднаас нь хараад мэдэх боломжгүй учир сувилагчийн буруутай үйлдэл нотлогдохгүй байна хэмээх тайлбар мэдээллийг өгсөн юм.

Харин уг асуудал Эрүүл мэндийн сайд С.Чинзориг дараах байр суурийг илэрхийлэв.

Тэрбээр, Яармагийн 300 ортой эмнэлэгт 400 гаруй хүүхэд хэвтэж байна. Нэг тасгийн 17 хүүхдэд урвал өгсөн мэдээллийг өглөө авсан. Эдгээр хүүхдүүдэд гурван төрлийн тариа тарьж байгаа. Өмнөх өдрүүдэд заагдсан эмчилгээг хийхэд урвал өгөөгүй. Одоогийн байдлаар биеийн байдал тогтворжсон мэдээлэл ирсэн.

Урьдчилсан байдлаар "ачаалал их байгаа учир сувилагч нар тариаг 2-3 цагийн өмнө бэлдэж тавьсан, үүнийхээ дараа хүүхдүүдэд тарьсан. Тариаг найруулах натри хлоридын хэмжээг өөрчилсөн байж болзошгүй" гэдэг мэдээлэл ирсэн. Тариа андуурсан асуудал байхгүй гэв.

---