АТГ-ын дэд дарга, эрхэлсэн комиссар Г.Азжаргал цаг үеийн асуудлаар товч мэдээлэл өгөв. 

АТГ-ын дэд дарга, эрхэлсэн комиссар Г.Азжаргал:

-АТГ-т нийт гурван хэрэгт хэрэг бүртгэл нээн, шалгаж байна. Зөвхөн ногоон автобус гэхгүйгээр нийтийн тээвэртэй холбоотой асуудлыг бүхэлд нь шалгаж байна. Эрүүгийн хэрэг дээр оролцогч гэж байдаг. Сэжигтэн, яллагдагчаар татах гэх мэт. Ж.Сүхбаатарыг албан ёсоор сэжигтэн болон яллагдагчаар татаагүй байгаа. Мөн Улаанбаатар хотын захирагч асан Д.Сумъяабазарыг албан ёсоор яллагдагчаар татаагүй байгаа. Өнөөдрийн байдлаар тэдэн хүн гэж хэлэх боломжгүй байна. Гадаад улсын компанитай холбоотой иргэдийг саатуулсан, шалгаж байгаа асуудал бий.

Прокурорын зөвшөөрлийн дагуу мэдээлэл өгөх үүрэгтэй. Илүү дэлгэрэнгүй мэдээлэл өгөх боломжгүй байна. Бид удахгүй өнөө маргаашгүй АТГ-т шалгаагдаж байгаа хэргүүдийн талаар мэдээлэл өгнө гэв. 

---