Хийлч Дээгий Урлагийн гавьяат зүтгэлтэн цолны мялаалгаа маш өвөрмөц байдлаар тэмдэглэж байна

Хийлч Дээгий буюу Ч.Дэлгэрцэцэгийн Урлагийн гавьяат зүтгэлтэн цолны мялаалга өнөөдөр болж байна.

Ардын хувьсгалын 102 жилийн ойн баяр наадмыг тохиолдуулан Ерөнхийлөгчийн зарлигаар Хийлч Дээгий буюу Ч.Дэлгэрцэцэгийг Монгол Улсын Урлагийн гавьяат зүтгэлтэн цол тэмдгээр шагнасан. 

Тэгвэл түүний Монгол Улсын Урлагийн гавьяат зүтгэлтэн цолны мялаалга өнөөдөр болж байна. Тэрээр энэхүү тэмдэглэлт баяраа Налайх дүүрэгт байрлах Сайн Номуун хийд - Аялал Жуулчлалын Цогцолборт хийж байна. Хийлч Дээгий буюу Ч.Дэлгэрцэцэг Урлагийн гавьяат зүтгэлтэн цолны мялаалгаа маш өвөрмөц байдлаар тэмдэглэн өнгөрүүлж байгаа ирсэн зочдын олон нийтийн сүлжээнд байрлуулсан зургуудаас харж болно. 

Хийлч Ч.Дэлгэрцэцэг нь хийл хөгжмөөр “Хэнтийн өндөр ууланд”, “Үлэмжийн чанар”, “Уран хасын вальс”, “Сэтгэлийн эгшиг”, “Жалам хар” зэрэг уран бүтээлийг шинээр найруулж үзэгчдийн хүртээл болгосон билээ. 

Мөн өнгөрсөн жил долоо дахь бие даасан тоглолтоо хийж, 22 жил урлагийн замналд хийж бүтээсэн бүтээлүүдээ үзэгч түмэндээ толилуулж байсан юм.