Хотын орлогчоор П.Сайнжаргал, О.Номинчимэг нар ажиллана

Нийслэлийн Засаг даргаар томилогдсон Х.Нямбаатар, Д.Сумъяабазарын хоёр орлогч болох Ж.Сандагсүрэн, З.Төмөртөөмөө нарыг "ажлаа өг" гэж шахсан талаар улс төрийн хүрээнд яриа гарсан. Улмаар ХЗДХЯ-ны ТНБД П.Сайнжаргалыг Хотын орлогч болох нь гэсэн яриа бас тархсан. 

Энэ бүхэн үнэн болох нь өнөөдөр үндсэндээ тодорхой боллоо. ХЗДХЯ-ны ТНБД-аар ажиллаж байсан П.Сайнзориг өнөөдрийн Засгийн газрын хуралдаанаар чөлөөлөгдлөө. Тэрээр "Х.Нямбаатар дарга надад санал тавьсан" гэдгээ ил тод мэдэгдлээ. 

Харин нөгөө орлогчоороо УИХ-ын дарга Г.Занданшатарын зөвлөхөөр ажиллаж байсан О.Номинчимэгийг томилно гэдгээ өнөөдөр Хотын дарга Х.Нямбаатар мэдэгдлээ. О.Номинчимэгийн хувьд Америк, Японд сургууль төгссөн эрх зүйч мэргэжилтэй нэгэн ажээ.