ЦХХХ-ны сайд Н.Учрал чуулганы хуралдаанд Хүүхэд хамгаалал дээр авч хэрэгжүүлэх арга хэмжээний талаар байр сууриа илэрхийлэв.

ЦХХХ-ны сайд Н.Учрал:

-ХНХЯ өнгөрсөн хугацаанд хэзээ ч хүүхэд хамгаалал дээр анхаарал тавьж байгаагүй. Энэ ажлыг Хууль зүйн яам л хийсэн. Гэмт хэргээс урьдчилан сэргийлэх зөвлөл төсөв хөрөнгөгүй хэр нь олон аяныг олон нийтийн дэмжлэгтэй хийж ирсэн. Чингэлтэй дүүрэгт хяналтын систем байрлуулснаар гэмт хэрэг багассан талаар хэлж байсан. Энэ асуудлыг жилийн өмнөөс ярьсан. Гэтэл өнөөдөр сэрж байгаа юм шиг хяналтын камер тавих талаар яриад сууж байна. Заавал хяналтын камерыг улс хийх шаардлага байхгүй. Нэг агентлагийн төсөв нэмүүллээ гээд юу ч өөрчлөгдөхгүй.Тэрний оронд санаачилга гаргаад байгаа Ч.Ганжавхлангийн "Лантуун дохио" ТББ-тай хамтраад төсөв мөнгийн шийдээд олон нийтийн дэмжлэгтэй хийх хэрэгтэй.

Би өмнө нь "олон нийтийн сүлжээнд хүний эрхийг хамгаалах тухай хууль" батлуулах гээд явсан. Хуулийг хамгийн их шүүмжилж, намайг жадлан эсэргүүцэж, үг хэлэх эрх чөлөөнд халдлаа гээд уйлан дугарч байсан нөхөдүүд гэнэт хүүхдэд хайртай болоод л пост хийгээд сууж байна. Тухайн үед маргааш ийм юм болно шүү гэж хэлж л байсан гэв.

---