Тээвэр ложистикийн “И-Коммодитс Монголиа Интеллижент Ложистик” ХХК-ийн охин компани “Эко Глобал Ложистикс” ХХК 2022 онд улсад 20.8 тэрбумын татвар төлж, Монгол улсын ТОП-100 ААН-ийн 24 дүгээр байранд шалгарлаа.

“И-коммодитс Монголиа Интеллижент Ложистик” группийн дэд захирал Ш.Нэргүй:

-“Эко Глобал Ложистикс” ХХК өнгөрсөн жил ТОП-100 аж ахуй нэгжийн 93-т жагсаж байсан бол энэ жил 24 дүгээрт байрт урагшилсан нь жилийн хугацаанд бид сайн үр дүнтэй ажилласныг илтгэж байна. 2022 онд “Эко Глобал Ложистикс” ХХК 2022 онд улсад 20.8 тэрбумын татвар төлсөн. Мөн манай групп компани “И-коммодитс Монголиа Интеллижент Ложистик” ХХК 34 тэрбум төгрөгийг татвар, хураамжийг төвлөрүүлсэн.

Ингээд компанийнхаа нийт ажилчид болон жолооч, инженер техникийн ажилчдадаа баяр хүргэмээр байна. Та бүхний хичээл зүтгэл, биднийг энэхүү амжилтад хүргэлээ. Манай компани 1000 орчим жолооч, тээвэрчидтэй ажилладаг. Мөн 200 орчим инженер техникийн ажилчинтай. Ирэх жилийн тухайд тээвэрлэлтийн тоогоо нэмэгдүүлэх зорилт тавьж байна. Манай компани цаашдаа илүү их амжилттай ажиллана гэдэгт итгэлтэй байна.

Монгол Улсын Засгийн газраас 42 сая тонн нүүрс экспортолно гэдэг зорилт тавьсан. Гэсэн ч нүүрс тээвэрлэлтийн хилээр нэвтрүүлэлт буурч байна. Өнгөрсөн долоо хоногт 1200-1300 машин хилээр гарч байсан бол өнөөдрийн байдлаар 500-600 машин гарч байна. Энэ нь хятадын зах зээл дэх нүүрсний үнийн уналттай холбоотой. Боомтын сэргэлтийн хүрээнд хийгдэх нэвтрүүлэх чадварыг нэмэгдүүлэх ажил хараахан дуусаагүйтэй холбоотой гэж харж байна. Нэвтрүүлэх чадвар сайжирч, төлөвлөж байгаа ажлууд хийгдсэн тохиолдолд экспортын тоо тэр хэрээр нэмэгдэнэ. Ингэснээр аж ахуй нэгжүүдийн үйл ажиллагаа сайжирна гэж найдаж байна гэв. 

---