?Зайсангийн “Оргил” худалдааны төвийн урд талын “Стадион”-ыг “Алтанжолоо трейд” ХХК худалдан авч, орон сууц барихаар газрын зориулалтыг өөрчилжээ
Зайсангийн “Оргил” худалдааны төвийн урд талд байрлах хуучин “Төв цэнгэлдэх хүрээлэн”-гийн ногоон байгууламж, мод бутыг устгаж, “Алтанжолоо трейд” ХХК орон сууц барихаар зэхжээ.
Ногоон байгууламжийг тойруулан өндөр хашаа хатгаж, шөнийн цагаар мод устгаж буй үйл явдал нь тав хоногийн өмнөөс эхэлсэн гэнэ. Иргэдэд харуулахгүйн тулд сугалсан модоо жижиглэж зөөвөрлөдөг байна. Анх тус газрын 9,5 га талбайг 1996 оны Нийслэлийн Засаг даргын захирамжаар “Ээрмэл” ХК-д дөрвөн жилийн хугацаатай эзэмших эрх олгожээ. 2004 онд дөрвөн жилийн хугацааг 15 жил болгон баталгаажуулсан байна. Ингээд 2022 онд “Алтанжолоо трейд” ХХК газар эзэмших эрхийг шилжүүлэн авч, талбайн зориулалтыг “Орон сууц, спорт цогцолбортой худалдаа үйлчилгээний төв” болгон өөрчлүүлж, газрын хугацааг дахин сунгах НЗД-ын захирамж гарчээ.
НГЗБА-ны Кадастрын хэлтсээс өгч байгаа мэдээллээр тухайн газар дээр шалгалтын ажиллагаа явуулж хууль эрх зүйн хүрээнд газар эзэмших эрх дээр зөрчил илэрвэл газрын эрхийг цуцлах нөхцөл үүснэ гэв. Харин мод бут ногоон байгууламж устгаж байгаа асуудалд БОАЖЯ, Экологийн цагдаагийн албанаас хариуцлага тооцох юм байна
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.