Хэнтий аймгийн Цэнхэрмандал сумын Хужхан багийн “Замчдын-Овоо” гэдэг газар ачааны автомашины араас суудлын автомашин мөргөж нэг хүн төмөр эд ангид хавчуулагдан нас баржээ.

Энэ тухай дуудлагыг Онцгой байдлын газар тавдугаар сарын 08-ны өдрийн 07:40 цагт хүлээн авчээ. Тус аймгийн Онцгой байдлын газрын Жаргалтхаан сум дахь Эрэн хайх, аврах бүлгийн алба хаагчдыг очиход Хэнтий аймгийн Хэрлэн сумын чиглэлд 2 зорчигчтой зорчиж явсан иргэн Ж-ын “ZZ3257-Хово” загварын өөрөө буулгагч автомашины араас, иргэн Д-ын “Истана” загварын микро автобус мөргөж, жолооч Д /28 настай, эрэгтэй/ нас барсан байжээ. Иймд Онцгой байдлын албан хаагчид цогцсыг гаргаж Цагдаагийн байгууллагад шилжүүлэн өгчээ.

---