Үндсэн хуулийн нэмэлт өөрчлөлт болон УИХ-ын сонгуулийн талаар УИХ-ын гишүүн С.Ганбаатартай ярилцлаа. 

УИХ-ын гишүүн С.Ганбаатар:

 -Үндсэн хуулийн нэмэлт өөрчлөлтийг ард түмэн батлах ёстой. Үүнийг УИХ зөвхөн соёрхон баталдаг. Харин бусад бүх 700 гаруй хуулийг УИХ-ын гишүүд батлаад ард түмэн хэрэгжүүлдэг. Ард түмний ганц мэддэг хуулийг дарга нар ярьж болохгүй. Адууны бүх хулгайч бөөндөө суугаад адууны хулгайг яаж шийдэх вэ гэдэгтэй агаар нэг зүйл яриад байгаа юм. 76 гишүүн, ерөнхийлөгч, сайд, ерөнхий  шүүгчийг шийтгэх гэж Үндсэн хууль байдаг. Гэтэл энэ шийтгүүлэх ёстой хүмүүс нь  энэ хуулийг хэлэлцэх гээд байна. Иймд үүнийг ард түмнээсээ асуу гэдэг байр суурьтай байна.

Парламентын олонх болон Засгийн газрын бүрдүүлж байгаа эрх баригчид иргэдийнхээ амьдралыг авч явж чадахаа болилоо. Гурван жилийн өмнө өгсөн амлалтаас аль нь ч биелсэнгүй. Иймд яаралтай дараагийн сонголтыг хийх ёстой. Эрх баригчид засаглаж чадахгүй байгаа нь бүх зүйлээс харагдаж байна. Ер нь эрх баригч намын гишүүд тойрогтоо штабаа байгуулсан гэдэг мэдээлэл авсан. Тэгэхээр ирэх намар сонгууль болох магадлалтай гэв. 

---