"Иргэдийн мэдэх эрх хангагдаж байна уу" хэлэлцүүлэг зохион байгуулагдаж байна. Хэлэлцүүлэгт ЦХХЯ, АТГ, ХЭҮК, “Монголын Эмнест интернэшнл” зэрэг төр, иргэний нийгмийн байгууллагын төлөөлөл оролцож байгаа юм. Иргэний мэдээлэл авах эрхэд тулгамдаж байгаа асуудлын талаар "Фиделитас партнер ХХН"-ийн Гүйцэтгэх захирал, өмгөөлөгч Б.Наранцэцэгтэй ярилцаж байна.

"Фиделитас партнер ХХН"-ийн Гүйцэтгэх захирал, өмгөөлөгч Б.Наранцэцэг: 

-Нийтийн эрх ашгийг хамгаалах, иргэдийн мэдэх эрхийг хангах үүднээс Ковидын үед их хэмжээний хандив авсан ЭМЯ, ХӨСҮТ, ОБЕГ, НОБГ зэрэг дөрвөн байгууллагыг Шилэн дансны хуулийг хэрэгжүүлэхгүй байна гэдэг асуудлаар хуулийн төсөл хэрэгжүүлсэн. Үндэсний аудитын байгууллага дүгнэлт гаргаснаар үр дүнгээ өгсөн. Иймд манайх Шилэн дансны хуулийг боловсронгуй болгох ажлын хэсэгт одоо ажиллаж байна. 

Хоёрдугаарт, манайх Ковидын тухай хуулинд дүн шинжилгээ хийхэд иргэдээс санал асуугаагүй, иргэдийн эрхийг зөрчсөн дүгнэлт гарсан. Бүр хүний амь насанд аюул заналхийлсэн зөрчлүүд хүртэл гарсан. Яаран сандран баталсан хууль маш олон хүний эрхийн зөрчил, үргүй зардлыг дагуулдаг юм байна. Хууль тогтоомжийн тухай хууль дээр хуулиа хэрэгжүүлдэг байхгүй бол маш олон эрхийн хязгаарлалт болох юм байна. Хууль бүтээх процессийг судалгаа, шинжилгээн дээр суурилж явуулна гэдэг Хууль, тогтоомжийн тухай хуулийн концепцоо хамгаалах ёстой юм байна гэдэг судалгааг хоёр жилийн өмнөөс гаргаж тавиад явж байгаа гэв. 

 

---