Монголын том улстөрч “...Үдийн цайнаас өмнө 76 сая доллар өг, тэгвэл “Тавантолгой”-г батлуулна” гэжээ
“Тавантолгой” буюу нүүрстэй холбоотой дуулиан тасрахгүй нь бололтой. Учир нь, хуулийнхан “чих дэлдийлгэсэн” нэгэн ноцтой асуудлын мөрөөр оржээ.
Хэдэн жилийн өмнө Монголын нэг том улстөрч “Тавантолгой” төсөлд оролцоод явж байсан гадаад, дотоодын нэр бүхий компаниудаас их хэмжээний авлига нэхсэн байна.
Тодруулбал, уг улстөрч тэрхүү төслийг хэрхэх талаар УИХ-аас шийдвэр гардаг өдөр Монгол, Хятадын нэр бүхий компаниудын төлөөлөлд дээрх “санал”-ыг тавьсан аж. Тэгэхдээ“...Үдийн цайнаас өмнө гишүүдийн тоогоор 76 сая ам.доллар бэлнээр авчраад өгчих. Тэгвэл “Тавантолгой”-г батлуулна. Өгөхгүй бол зогсооно” гэжээ.
Энэ нь “Тавантолгой ордыг ашиглах хөрөнгө оруулалтын гэрээ”, “Хамтын ажиллагааны гэрээ”, “Төмөр замын концессын гэрээ”-тэй холбоотой бөгөөд долоо, найман жилийн өмнө тухайн үеийн УИХ-ын дарга, Ерөнхий сайд хоёрын дунд “хэрүүлийн алим” болж байсан юм.
Б.Дамдин-Очир
Эх сурвалж: “Зууны мэдээ” сонин
2022 ОНЫ АРВАННЭГДҮГЭЭР САРЫН 11. БААСАН ГАРАГ. № 220 (6952)
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.