Олон улсын хараа хамгаалах өдрийг тохиолдуулан нүдний үзлэг, шинжилгээ хийж байна
Жил бүрийн аравдугаар сарын хоёр дахь долоо хоногийн пүрэв гаргийг дэлхий нийтээрээ "Олон улсын хараа хамгаалах өдөр" болгон тэмдэглэж ирсэн.
Тус өдрийг тохиолдуулан Хөгжлийн бэрхшээлтэй хүний хөгжлийн ерөнхий газар, Сэргээн засалт, сургалт үйлдвэрлэлийн төв, “Орбис” Олон улсын байгууллагын Монгол дахь салбар, Улсын Гуравдугаар төв эмнэлэг-Нүдний мэс заслын засаг, “Гэрэл” нүдний эмнэлэгтэй хамтран Мэргэжлийн боловсрол, ур чадвар олгох сургуулийн хөгжлийн бэрхшээлтэй 120 гаруй оюутан, сурагчид, ХБХХЕГ-ын 40 албан хаагчийг урьдчилан сэргийлэх үзлэгт хамруулж, үзлэг оношилгооны тусламж үйлчилгээг үзүүлэх арга хэмжээг зохион байгуулж байна.
"Олон улсын хараа хамгаалах өдөр" нь хараагүй болохоос урьдчилан сэргийлэх талаар олон нийтэд мэдээлэл олгох, тус асуудалд анхаарал хандуулах өдөр юм.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.