УИХ-ын гишүүн Д.Ганбат: Цагаан сар ба хар нулимс

УИХ-ын гишүүн Д.Ганбат УИХ-ын чуулганы танхимын өмнө /2022.10.03/ мэдээлэл хийсэн. 

Энэ үеэр тэрбээр УИХ-ын дарга руу гишүүний үнэмлэхээ "чулуудсан" тухайгаа ярьж, бухимдаж байгаагаа дараах байдлаар илэрхийлсэн юм.

Тэрбээр, 

-Ханшийн өсөлт, ард түмний амьдрал ямар байгаа, төр засгийн эрх баригчдын бялуурсан байдал гээд бүх зүйлийг та бүхэн харж байгаа байх. Ний нуугүй хэлэхэд их зохиолч Д.Нацагдоржийн “Цагаан сар ба хар нулимс” гээд зохиол байдаг. Ард түмний хувьд өдөр бүр хар нулимс, эрх баригчдын хувьд өдөр болгон цагаан сар болж байна. 

УИХ бол УИХ биш болсон. Засгийн газар 20,30,40 сайдтай болсон. Гэтэл ард түмний амьдрал ямар байна.

УИХ, Үндсэн хуулийн гол утга санаа бол Их хурал гүйцэтгэх засаглал, хууль тогтоогчдод хяналт тавина. Ингэж ажиллах ч ёстой. Шүүх засаглал тусдаа ажиллаж бие биедээ харилцан хяналт тавьдаг. Үүнийг дагаад хүний эрх чөлөө, ард түмний амьдралыг баталгаажуулдаг. Ийм нөхцөл байдлыг өнөөдөр энэ УИХ байхгүй болголоо. Энэ УИХ бол ямар ч ёс зүйгүй, ёс суртгахуунгүй их хурал болсон.

Ард түмний өмнө итгэл найдваргүй, өргөсөн тангарагтаа үнэнч бус байна. Өнгөрсөн хоёр жилд МАН, ЖАН-ынхан Монгол Улсын эдийн засгийг унагалаа хэмээв.