Запорожье дэх хүмүүнлэгийн цуваа пуужинд өртөж, 23 хүн амиа алджээ
Украины өмнөд хэсгийн Запорожье мужид энгийн иргэдийг тээвэрлэж явсан хүмүүнлэгийн цувааг Оросын цэргүүд бөмбөгдсөний улмаас 23 хүн амиа алдсан гэж орон нутгийн албаныхан мэдэгдэв.
Тус цуваа нь Запорожье мужийн ОХУ-д эзлэгдсэн бүс нутаг рүү хүмүүнлэгийн тусламж хүргэж байсан бөгөөд энгийн иргэд төрөл төрөгсдөө авч явахаар төлөвлөж байжээ. Тэгвэл тус мужийн амбан захирагч Александр Старух "Дайснууд бүс нутгийн төвийн захад пуужингийн цохилт өгсөн" гэж олон нийтийн сүлжээндээ нийтэлсэн ба одоо ослын газарт эмч, аврах багийнхан ажиллаж байгаа аж.
Харин Москвагаас томилсон бүс нутгийн албан тушаалтан Владимир Рогов уг халдлагыг "Украины дайчид" үйлдсэн гэж буруушаасан бөгөөд мөн адил 23 хүн амиа алдсан гэж тэмдэглэснийг Оросын төрийн мэдлийн хэвлэлүүд мэдээлжээ.
ОХУ-ын Ерөнхийлөгч Владимир Путин Запорожье, Херсон мужуудын тусгаар тогтнолыг хүлээн зөвшөөрсөн зарлигт өнөөдөр /2022.09.30/ гарын үсэг зурсан бөгөөд эдгээр хоёр муж болон Бүгд Найрамдах Донецк Ард Улс, Бүгд Найрамдах Луганск Ард Улсыг ОХУ-д албан ёсоор нэгтгэхээр зэхэж байна.
Эх сурвалж: BBC
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.