МОХС-ийн захирал Ж.Соронзон үүрэгт ажлаа хүлээлгэн өгчээ

Боловсрол, Шинжлэх ухааны сайд Л.Энх-Амгалангийн тушаалаар МОХС-ийн захирал Ж.Соронзонг үүрэгт ажлаас нь чөлөөлөх шийдвэр гаргаад байсан. Гэсэн ч Ж.Соронзонгийн зүгээс тус шийдвэрийг зөвхөн монголын тал гаргах эрхгүй гэх тайлбарыг өгөөд байсан юм. Тэгвэл Монгол, Оросын хамтарсан сургуулийн захирал Ж.Соронзон үүрэгт ажлаа өнөөдөр албан ёсоор хүлээлгэн өгчээ.

БШУ-ны сайд Л.Энх-Амгалангийн тушаалаар МОХС-ийн багш Б.Болорыг захирлын түр орлон гүйцэтгэгчээр томилжээ. Энэ дагуу БШУЯ-ны ажлын хэсэг Б.Болорт ажлыг нь албан ёсоор хүлээлгэн өгчээ. Харин Улсын бүртгэлийн ерөнхий газрын бүртгэлд Монгол-Оросын хамтарсан сургуулийн хувьцаа эзэмшигч, гишүүнээр Жамбын Соронзонг бүртгэжээ. Тус сургуулийг УБЕГ-ын Хуулийн этгээдийн бүртгэлд 9086781 регистерийн дугаартайгаар 2014 оны арванхоёрдугаар сарын 18-ны өдөр Төрийн байгууллага, албан газар, улсын төсөвт үйлдвэрийн газар хэмээн бүртгэсэн байна. Мөн итгэмжлэлгүйгээр төлөөлөх эрх бүхий албан тушаалтанд мөн Ж.Соронзонгийн нэр байгаа юм.