ВИДЕО: “All I Want for Christmas is You” бүх цаг үеийн шилдэг дуу болж магадгүй
Хахир хүйтэн өвлийн улирлыг чимж, гудамж талбай орон байр төдийгүй та бидний сэтгэлийг гэрэлтүүлдэг баяр бол шинэ жил. Жил бүрийн шинэ жилийн баярын уур амьсгал өмнөх жилүүдийнхээс арай эрт орж буй мэт сэтгэгдэл төрдөг шүү дээ.
Шинэ жил, зул сарын баярын тухай ярихад таны аманд хамгийн түрүүнд ямар ая эгшиглэж байна? Миний хувьд шууд л “All I Want for Christmas is You” гэсэн Мэрай Кэригийн хоолой сонсогдох шиг болдог.
Гудамж талбайд аль хэдийн баярын уур амьсгал орж ганган гацуур, гэрлэн чимэглэлээ зүүгээд эхэлсэнтэй хамт “All I Want for Christmas is You” чартад жагсаад эхэлжээ. Billboard чартад 11 дүгээр сарын 16-22-ны хооронд Мэрай Кэригийн энэ дуу шилдэг зуун дууны 29 дүгээрт жагссан байна.
Бүх цаг үеийн хамгийн шилдэг зул сарын баярын дуунуудын нэг “Зул сараар хүсэх бүх зүйл минь чи” гэсэн утгатай дуугаар Мэрай Кэри хэдийн 60 сая ам.долларын ашиг олоод байгаа гэж “Economist” сэтгүүлд бичжээ.
Магадгүй энэ дуу бүх цаг үеийн шилдэг дуу болоход тун ойрхон иржээ гэж “Quartz” онцолсон байна.
Эх сурвалж: www.qz.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.