Гал түймрийн аюулаас 136 сая төгрөгийн эд хөрөнгийг авран хамгаалжээ
Нийслэлийн хэмжээнд энэ сарын 15-22-ны өдрүүдэд гал түймрийн 17, аврах ажиллагааны дөрөв буюу нийт 21 дуудлага бүртгэгдсэн байна.
Дуудлагын дагуу Гал түймэр унтраах, аврах ангиудын алба хаагчид үүрэг гүйцэтгэж, гал түймрийн аюулаас 136 сая төгрөгийн эд хөрөнгө, 1 иргэний амь насыг авран хамгаалжээ.
Дээрх дуудлагын тоог өнгөрсөн долоо хоногтой харьцуулахад 10.5%-аар өссөн дүнтэй байна.
Он гарсаар өнөөдрийн байдлаар нийслэлийн хэмжээнд объектын гал түймэр 1257, ой, хээрийн түймрийн 5, аврах ажиллагааны 136 буюу нийт 1398 удаагийн дуудлагатай байгаа нь өнгөрсөн оны мөн үетэй харьцуулахад 24.2%-аар өссөн үзүүлэлттэй байна гэж нийслэлийн Онцгой байдлын газраас мэдээллээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.