Зургаан настнуудын бүртгэл өнөөдрөөс эхэллээ

Ерөнхий боловсролын сургуулийн нэгдүгээр ангид элсэн суралцагчдын бүртгэл өнөөдрөөс /2022.08.19/ эхэллээ.

Энэ жил анх удаа зургаан настнуудын бүртгэлийг улсын хэмжээнд E-Mongolia app-аар буюу цахимаар бүртгэж байна. Та хүүхдээ цахимаар бүртгүүлэхийн тулд дараах видео зааварчилгаатай танилцана уу.  

Дэлгэрэнгүй: 

• E-Mongolia  системд өөрийн бүртгэлээр нэвтэрнэ.
• Үйлчилгээ  цэсээс "Боловсрол" цонхыг сонгон нээнэ.
• "Төрийн өмчийн ерөнхий боловсролын сургуулийн нэгдүгээр ангийн элсэлт, бүртгэл" үйлчилгээг сонгоно /Бүртгэл эхлэх өдөр үйлчилгээг олон нийтэд нээлттэй болгоно/.
• Дэлгэцэд таны сургуулийн насны хүүхдүүдийн мэдээлэл гарч ирнэ.
• Сургуульд элсэх хүүхдийнхээ мэдээлэлтэй танилцан, асуултыг бөглөөд үргэлжлүүлэх товч дарна. Үүний дараа таны хүүхдийн элсэлтийн төлөв харагдана.
• Мэдээллээ дахин нягтлаад баталгаажуулах хэсэгт дарж "Тийм"  товч дарснаар таны хүсэлт амжилттай илгээгдэнэ.

Нэгдүгээр ангийн цахим элсэлттэй холбоотой мэдээллийг дараах утсаар лавлах боломжтой.