Өнөөдөр /2022.03.25/ Улаанбаатар хотод өрнөх үйл явдлын мэдээ мэдээллийг хүргэе. 

9:00 цагт:

Яармагт байрладаг НЗДТГ-ын шинэ байранд “Монголын эдийн засгийн чуулган 2022”-ы Хот, хөдөөгийн сэргэлт урьдчилсан хэлэлцүүлэг болно.

МҮХАҮТ-нд "Монгол-Энэтхэгийн худалдаа, технологи, аялал жуулчлалын хамтын ажиллагааг өргөжүүлэх нь” бизнес хэлэлцүүлэг болно.

10:00 цагт:

Сүхбаатарын талбайд Хэл бичгийн ухааны доктор, дэд профессор Ш.Баттөр хугацаагүй суулт зарлаж, иргэн Ч.Мөнхбаярыг суллахыг шаардана.

Төрийн ордонд УИХ-ын чуулган хуралдаж "Шүүх шинжилгээний тухай хууль"-ийн шинэчилсэн найруулгын төсөл, "Хөрөнгийн үнэлгээний тухай хууль"-ийн шинэчилсэн найруулгын төслүүдийг хэлэлцэнэ.

ХӨСҮТ-д 2021-2022 онд тус төвд улсын төсвийн хөрөнгө оруулалтаар хийсэн бүтээн байгуулалтын ажлуудын нээлт болно. Утас: 93116060

12:00 цагт:

Боксын насанд хүрэгчдийн УАШТ-ийн эрэгтэй хагас шигшээ тоглолт Монгол бөхийн өргөөнд болно. Билетийн үнэ 2000 төгрөгөөр зарагдаж буй.

13:00 цагт:

Хэвлэлийн хүрээлэнд "Монголын шилдэг нийтлэл №66" номын нээлт болно.

15:00 цагт: 

Төрийн ордонд УИХ-ын чуулган хуралдаж УИХ-ын гишүүн Ц.Даваасүрэнгээс ХХААХҮ-ийн сайд З.Мэндсайханд хандан “Малын гаралтай түүхий эдийг боловсруулах үйлдвэрлэлийн цогцолбор байгуулах, мал аж ахуйн гаралтай бүтээгдэхүүний экспортын боломжийг нээх болон “Монгол мал-II” арга хэмжээний хэрэгжилтийн өнөөгийн байдлын талаар” тавьсан асуулгыг сонсоно. 

---