Хан-Уул дүүрэгт зөвшөөрөлгүй баригдсан гарааш, контейнер зэргийг буулгаж байна

Хан-Уул дүүрэгт зөвшөөрөлгүй баригдсан гарааш, контейнер буулгах ажил өнөөдрөөс эхэлжээ. 

Тодруулбал, нийслэлийн нутаг дэвсгэрт иргэдийн эрүүл, аюулгүй орчинд амьдрах эрхийг хангах, газар ашиглалтыг сайжруулах, явган хүний зам, талбайн хүрэлцээ хангамжийг нэмэгдүүлэх мөн авто замын түгжрэлийг бууруулах зорилгоор нийтийн эдэлбэр газарт зөвшөөрөлгүй газар ашиглаж байгаа гараажуудыг буулган, газар чөлөөлөх ажил Хан-Уул дүүрэгт өнөөдрөөс эхэлсэн байна. Өнөөдөр Хан-Уул дүүргийн 17-р хорооны нутаг дэвсгэрт 22 гарааш, контейнерийг буулгаж, уг байршил дээр иргэдэд нэн шаардлагатай ногоон байгууламж, авто зогсоол, тоглоомын талбайн тохижилтын ажлыг эхлүүлэхээр төлөвлөөд байгаа аж. Ингэхдээ тухайн орчны иргэдийн санал хүсэлтийг үндэслэн тохижилтын ажлуудыг үе шаттай хийж эхэлнэ гэлээ.