Өнгөрөгч шөнө Онцгой байдлын Гал түймэр унтраах ангид нийт дөрвөн автомашин шатсан гэх дуудлага ирсэн байна.

Тодруулбал, Баянзүрх дүүргийн тавдугаар хороонд үүрийн 6.30 цагт “Орцноос утаа гараад байна” гэх дуудлага ирсэн аж. “Центр-Апартмент”-ын байрны гараашинд иргэн М-ын “Тоёота Хайландэр”, М-ын “Исузу-Элф”, А-ын “Тоёота-Камри” загварын суудлын автомашин тус тус шатаж байсныг унтраасан байна. Утаажилтын бүсээс 21 иргэнийг гаргасан аж. 

Түүнчлэн Хан-Уул дүүргийн 21-р хороонд  “Тоёота Приус” маркийн суудлын автомашинд гал гарсан байсныг Гал унтраах ангийн баг бүрэлдэхүүн шуурхай унтраасан бөгөөд хүний амь нас эрүүл мэнд хохироогүй  байна. Иймд иргэдийг анхаарал болгоомжтой байж галын аюулаас сэргийлэхийг Онцгой байдлын ерөнхий газраас сэрэмжлүүлж байна.

---