Нийслэлийн хөрөнгө оруулалтаар Хан-Уул дүүргийн 21 дүгээр хороонд 280 хүүхдийн ортой шинэ цэцэрлэг ашиглалтад орж, хүүхэд багачуудаа хүлээн авч эхэллээ.

290 дүгээр цэцэрлэг ашиглалтад орсноор тус хорооны 2-5 насны 300 гаруй хүүхдүүд сургуулийн өмнөх боловсролд бүрэн хамрагдах боломжтой болжээ.

Сургалтын үйл ажиллагааг гуравдугаар сарын 10-ны өдрөөс эхлүүлсэн аж. Цэцэрлэгийн барилгын ажлыг “Жамьянпайтан” ХХК” гүйцэтгэсэн байна. 

---