Нийтэлсэн:   Д.Төв

2 жилийн өмнө

О.Цогтгэрэл даргатай АН-ын даргын сунгаанд нэрээ дэвшүүлэх хугацаа өнөөдөр 20.00 цагт дуусгавар боллоо. Нэр дэвшигчийн бүртгэл дуусахын өмнөхөн Монгол улсын Ерөнхийлөгч Х.Баттулга нэр дэвшихээр бүртгүүлсэн нь гэнэтийн үйл явдал боллоо. 

Хүчтэй өрсөлдөгчид тооцогдож байсан УИХ-ын гишүүн, АН-ын дарга О.Цогтгэрэл өнөөдөр нэрээ татаж байгаагаа мэдэгдсэн. Ерөнхийлөгч асан нэр дэвших шийдвэр гаргасан нь О.Цогтгэрэлийг нэрээ татахад хүргэсэн гэсэн яриа АН-ынхан дунд ид өрнөж байна. 

Х.Баттулгаас гадна УИХ-ын гишүүн Ж.Батсуурь АН-ын даргын сунгаанд бүртгүүлжээ. Өөрөөр хэлбэл, АН-ын даргад "Хоёр Бат" буюу Х.Баттулга, Ж.Батсуурь нар өрсөлдөх болоод байна. Улс төрийн туршлагатай Х.Баттулгын хувьд Ж.Батсуурийг илүүрхэнэ гэсэн таамаглал байна.  

Ерөнхийлөгч асан Х.Баттулга хэд хоногийн өмнө МҮОХ-ны ерөнхийлөгчид мөн өрсөлдөхөөр бүртгүүлсэн. МҮОХ-ны тэргүүн дэд ерөнхийлөгч Б.Баттүшиг нарын хооронд гол өрсөлдөөн болох нь тодорхой болоод байгаа.

С.Эрдэнэ даргатай АН-ынхан Д.Монголхүүг МоАХ-ны дарга болгосон боловч, хууль ёсны тамга тэмдэг нь Ерөнхийлөгч асан Х.Баттулгад хэвээр байгаа. Тэд 4 сарын 5-нд МоАХ-ны "жинхэнэ" хурлыг хийхээ мэдэгдээд байгаа юм. 

Сурталчилгаа