Монгол Улсын Засгийн газрын хуралдаанаас гаргасан шийдвэрийг танилцуулж байна. Хөшигийн хөндийтэй холбоотой шийдвэр гарсан талаар БХБ-ын сайд Б.Мөнхбаатар танилцууллаа.

БХБ-ын сайд Б.Мөнхбаатар:

-Хөшигийн хөндийн шинэ хот барих асуудлуудыг үе шаттай судлан төлөвлөж байгаа. 1940-1990 онд ЗХУ-ын тусламжтайгаар МАХН-ын удирдлага доор 40 гаруй хот тосгоныг барьсан. Хамгийн сүүлд 1980 онд Багануур хотыг барьсан байдаг. Сүүлийн 30 жил хот төлөвлөлт хийгдэж чадаагүй. Хөшигийн хөндийд 150 мянган хүн амтай хотын төлөвлөлтийг хийж байна. Засгийн газрын өнөөдрийн хуралдаанаар Төрийн захиргааны зарим байгууллагыг үе шаттайгаар Хөшигийн хөндий рүү шилжүүлэх шийдвэр гарсан. Ингэснээр Хөшигийн хөндийд бий болох эдийн засаг, төрийн захиргааны таталцлуудыг бий болгож хүн амын төвлөрлийг үүсгэнэ.

Ерөнхий төлөвлөлттэй холбоотой хэд хэдэн хэсэгчилсэн төлөвлөгөө гарч ирж байна. Эхний ээлжинд нисэх буудлыг тойрсон үйлчилгээ тээвэртэй холбоотой инженерийн дэд бүтцийн зургуудыг хийж дуусаж байна гэлээ.

---