Киргизстаны боксчин өрсөлдөгчөө өшиглөж, мөргөн рингнээс хөөгдлөө
22 хүртэлх насны боксын Ази тивийн аварга шалгаруулах тэмцээн Узбекистан улсын нийслэл Ташкент хотноо зохион байгуулагдаж байна.
Өчигдөр /нэгдүгээр сарын 22/ буюу тэмцээний хоёр дахь өдөр тэмцээний салхийг хагалан эрэгтэйчүүдийн -57кг жинд тулалдсан Киргизстан улсын боксчин Тилек Уулу тулааны үеэр өрсөлдөгч тамирчнаа өшиглөж мөн түүнчлэн санаатай мөргөсөн шалтгаанаар рингнээс хөөгдлөө. Тус тулааныг бүрэн эхээр нь толилуулж байна.
Тэмцээний эхний өдөр эрэгтэйчүүдийн -51кг, -54кг, -67кг жингийн зургаан тулаан явагдсан ба манай улсаас -51кг жинд Х.Азбаяр, -67кг жинд А.Жандос нар тулалдан ялалт байгууллаа. Манай хоёр тулаанчийн бичлэгийг бүрэн эхээр нь ЭНД дарж үзнэ үү.
Харин өчигдөр манай улсаас дараах тамирчид тулалдах хуваарьтай байсан ба бүгд ялалт байгууллаа.
- Эрэгтэйчүүдийн -48кг жинд О.Өнөболд Саудын Арабын боксчинтой
- Эрэгтэйчүүдийн -57кг жинд Г.Лундаа хүрэл медалийн төлөө Японы боксчинтой
- Эрэгтэйчүүдийн -60кг жинд Б.Буяндалай хүрэл медалийн төлөө Тажикстаны боксчинтой
- Эрэгтэйчүүдийн -63.5кг жинд Б.Төгөлдөр хүрэл медалийн төлөө Тажикстаны боксчинтой тулалдан ялалт байгууллаа.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.