"Бээжин-2022"-т хүрэлцэн ирсэн 72 төлөөлөгчөөс халдвар илэрчээ

"Бээжин-2022" өвлийн олимпын наадамд зориулж БНХАУ-д хүрэлцэн ирсэн гадаадын төлөөлөгчид дундаас коронавирусийн халдварын 72 тохиолдол илэрсэн гэж Олимпыг зохион байгуулах хорооноос мэдэгджээ.

Тус мэдэгдэлд дурдсанаар, Хятад улсад энэ сарын 4-22-ны хооронд нийт 2,586 төлөөлөгч хүрэлцэн ирсний 171 нь тамирчин болон албаны хүмүүс бөгөөд 2,415 нь бусад холбогдох төлөөлөл аж. Нисэх онгоцны буудалд хийсэн шинжилгээгээр 39 хүнээс халдвар илэрсэн бол тамирчид болон төлөөлөгчдийн байрлаж байгаа тусгай бүсэд 33 тохиолдол бүртгэгдсэн байна.

Гэвч эдгээр халдвар нь тодорхой төлөөлөгчдийн дундаас илэрсэн бөгөөд тамирчид болон албаны хүмүүсийн дунд цар тахлаар өвчилсөн хүн бүртгэгдээгүй гэж орон нутгийн эрх баригчид мэдээлсэн юм. Гадаадын зочдын байрлаж байгаа тусгай бүс доторх хөдөлгөөнийг хатуу зохицуулж байгаа бөгөөд тус хэсгээс гарахыг хориглосон билээ.

24 дэх удаагийн Өвлийн олимп нь 2 дугаар сарын 4-20-ны хооронд өрнөх бөгөөд ингэснээр Бээжин хот нь зуны болон өвлийн олимпын наадмыг зохион байгуулсан дэлхийн анхны хот болох юм.

Эх сурвалж: TASS