Коронавируст халдварын дэгдэлтийн улмаас  2022 оны 1 дүгээр сарын 21-ний өдрөөс 1 дүгээр сарын 27-ны өдрийг дуустал хугацаанд Монгол Улсын дээд шүүхийн үйл ажиллагаанд хязгаарлалт тогтоохоор болжээ.

Дээрх хугацаанд Улсын дээд шүүхэд гаргаж буй өргөдөл, хүсэлт, албан бичгийг шуудангаар болон info@supremecourt.mn цахим хаягаар хүлээн авах юм байна. Шуудан болон байгууллагын цахим хаягаар хүлээн авсан баримтын талаар хариу мэдэгдэх тул өөрийн хаяг, холбоо барих утасны дугаар, и-мэйл хаягаа тодорхой бичиж ирүүлэхийг УДШ-ээс санууллаа. 

Харин Улсын дээд шүүхийн Тамгын газрын мэдээлэл, лавлагаа (Утас: 51-261698, 51-261544) тухайн өдрүүдэд ажиллах аж.

Үүсээд байгаа нөхцөл байдалтай уялдуулан гаргасан шийдвэрт хүндэтгэлтэй хандаж, өөрийн болон бусдын эрүүл мэндийг сахин хамгаалж, болзошгүй эрсдэлээс урьдчилан сэргийлэхийг уриалж, УДШ тухайн мэдэгдлийг гаргажээ.

 

---