Хятадын Засгийн газар коронавирусийн "Омикрон" хувилбарын тархалтыг зогсоохын тулд зүүн төв хэсгийн Аньян хотод хатуу хөл хорио тогтоожээ. Үүнээс өмнө, Шиань болон Южоу хотод мөн адил арга хэмжээг аваад байгаа юм.

Нийт 5.5 сая орчим хүн амтай Аньян хотод өнгөрсөн амралтын өдрүүдэд халдварын олон арван шинэ тохиолдол бүртгэгдсэний дараа ийнхүү хөл хорио тогтоосон байна.

БНХАУ-ын эрх баригчид цар тахлын халдварыг эрт илрүүлэх, ойрын хавьтлуудыг тогтмол хянах, урт удаан хугацааны хорио цээрийн дэглэм тогтоох бодлого хэрэгжүүлж, хилийн хатуу хяналтыг бий болгоод байгаа билээ. Ингэснээр, халдварын "цунами мэт дэгдэлт" гарах магадлал маш бага гэж албаныхан огцолж байгаа юм.

Түүнчлэн, тус улс дахь америк иргэдийг нэмэлт хязгаарлалтад хамруулж болзошгүйг хоёр улсын албаны хүмүүс сэрэмжлүүлжээ. Тодруулбал, Хятадад бүртгэгдээд буй коронавирусийн халдварын тохиолдлуудын зарим нь америк аялагчдаас илэрсэн бөгөөд улмаар Бээжингийн нисэх хүчний зохицуулагч байгууллага АНУ-аас ирэх төлөвтэй байсан олон арван нислэгийг цуцалсан байна.

Эх сурвалж: UPI

---