Төрийн байгуулалтын байнгын хорооны өнөөдрийн хуралдаанаар “МҮОНРТ-ийн Үндэсний зөвлөлийн гишүүнээс чөлөөлөх, гишүүнээр томилох тухай” Улсын Их Хурлын тогтоолын төслийг хэлэлцэж байна.

Байнгын хорооны хуралдаанд МҮОНРТ-ийн Үндэсний зөвлөлд Монгол улсын ерөнхийлөгчөөс санал дэвшүүлсэн хүмүүсийн нэрсийн ЕТГ-ын дарга Я.Содбаатар танилцууллаа. Үндэсний зөвлөлийн гишүүнд Д.Жавзандорж, МУГЖ Н.Онон нарыг нэр дэвшүүлжээ. 

Нэр дэвшигчтэй холбоотой асуулт, хариултын үеэр УИХ-ын гишүүн М.Оюунчимэг "Таныг би уран бүтээлчийн хувьд хүндэлдэг. Тэнд очоод хэрэг байгаа юм уу? Уран бүтээлээ хийгээд явж байвал зүгээр юм биш үү? МҮОНТВ-ийн Үндэсний зөвлөл юу хийдгийг мэдэх үү? Юу хийх гэж очиж байгаа вэ?" гэж асуув. 

Үүнд МУГЖ Н.Онон "Ямар үүрэгтэй бүтцийг сайн мэдэхгүй байна" хэмээн хариуллаа. 

Байнгын хорооны гишүүдийн олонх нь Д.Жавзандорж, Н.Онон нарыг дэмжлээ. 

---