Талийгаач эмэгтэйг амьсгал, зүрх судасны дутагдалд орж, нас барсан гэлээ
Нийгмийн сүлжээ болон зарим хэвлэл мэдээллийн хэрэгслээр “Архангай аймгийн нэгдсэн эмнэлэгт Мэргэжлийн хяналтынхан ажиллаж, хяналт шалгалт хийж байх үеэр амаржих дөхсөн эх хүүхдээ өөрөө эх барьж авсан. Тухайн үед эмч, мэргэжилтнүүд анзаараагүйн улмаас нас барсан” гэх агуулга бүхий мэдээлэл цацагдаж байна. Энэ талаар Архангай аймгийн нэгдсэн эмнэлгийн төрөх тасгийн эрхлэгчийн үүргийг орлон гүйцэтгэж буй эмч Ч.Ариунжаргалаас тодрууллаа.
Архангай аймгийн нэгдсэн эмнэлгийн эмч Ч.Ариунжаргал:
-Төрөхөөр өвдөж байсан эх 11-р сарын 11-ний өдөр амьсгал, зүрх судасны дутагдалд орж нас барсан. Талийгаач эмэгтэй төрөхийн өмнөх өрөөнд өвдөж байгаад гэнэт ухаан алдаж унасан. Эмч нар сэхээн амьдрах эрчимт эмчилгээний баг дуудаж, яаралтай арга хэмжээг үргэлжлүүлэн авсан ч нас барсан.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.