Боинг компани Этиопт болсон осолд хариуцлага хүлээнэ
Этиоп улсад хоёр жилийн өмнө Боинг 737 Макс онгоц осолдож 157 хүн амиа алдсан юм. Боинг компанийн удирдах зөвлөл хуралдаж, уг ослын өмнө бүрэн хариуцлага хүлээхээр санал зөвшилцжээ.
Лхагва гарагт гаргасан холбооны шүүхийн шийдвэрээр Боинг ослын өмнө гэм буруугаа хүлээж, хохирогчдын ар гэрт нөхөн төлбөр олгохоор болж байна. 2019 онд болсон уг ослын дараа 737 Макс онгоцыг Боинг компани жил найман сарын турш нисгэлгүй, дэлхий даяар хориглосон юм.
Ослоос хойш удаан хугацааны дараа Боинг компани буруугаа хүлээн зөвшөөрч, нөхөн төлбөрийг дангаараа төлөхөөр болж байна. Уг шийдвэрийн дараа ослоор амь насаа алдсан хохирогчдын ар гэрийнхнийг төлөөлж буй хуулийн баг гэр бүлүүдэд дэмжлэг болох шийдвэр гарсанд талархлаа илэрхийлжээ.
Боинг мэдэгдэлдээ Этиопт болон Индонезид Макс 737 онгоцны ослоор амиа алдсан бүх хохирогчийн ар гэрт гүн эмгэнэл илэрхийлсэн байна. Этиопын ослоос хойш таван сарын дараа Индонези улсад мөн Макс 737 онгоц осолдож, 189 хүн амиа алдсан юм.
Эх сурвалж: New York Times
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.