Монгол улсын нийслэл Улаанбаатар хотод самбо бөхийн өсвөр, залуучуудын ДАШТ зохион байгуулагдах байсан ч ковидийн нөхцөл байдлын улмаас буйр сэлгэн Грек улсад зохион байгуулагдахаар болсон билээ.

Тэгвэл уг ДАШТ энэ сарын 15-17-ны өдрүүдэд Грек улсын Тесалоникид зохион байгуулагдах гэж байна. Хэдийгээр цар тахлын амаргүй нөхцөл байдлын үед ДАШТ зохион байгуулагдаж байгаа ч өнгөрсөн онд Серби улсад насанд хүрэгч, өсвөр үе, залуучуудын ДАШТ-ийг халдвар хамгааллын өндөр төвшинд зохион байгуулсан туршлага дээр үндэслэн энэ удаад ч амжилттай зохион байгуулж чадна хэмээн зохион байгуулагчдын зүгээс мэдэгдлээ.

Самбо бөхийн өсвөр, залуучуудын ДАШТ-ий хуваарь /Улаанбаатарын цагаар/:

10 дугаар сарын 15-ны өдөр /Баасан гараг/

15:00 - 20:00 цагт өсвөрийн эмэгтэй 47, 50, 54кг, эрэгтэй 53, 58, 64кг, залуучуудын эмэгтэй -80, +80кг, эрэгтэй -98, +98 кг  жингүүдийн урьдчилсан болон хүрэл медалийн төлөөх барилдаан.
20:30 – 21:00 Нээлтийн ёслолын ажиллагаа
21:00 – 23:00 Шигшээ барилдаан, шагнал гардуулах ёслолын ажиллагаа

10 дугаар сарын 16-ны өдөр /Бямба гараг/

15:00 - 20:00 цагт өсвөрийн эмэгтэй 59, 65, 72кг, эрэгтэй 71, 79, 88кг, залуучуудын эмэгтэй 50, 54 кг, эрэгтэй 58, 64 кг жингүүдийн урьдчилсан болон хүрэл медалийн төлөөх барилдаан.
21:00 – 23:00 Шигшээ барилдаан, шагнал гардуулах ёслолын ажиллагаа

10 дугаар сарын 17-ны өдөр /Ням гараг/

15:00 - 20:00 цагт өсвөрийн эмэгтэй -80, +80 кг, эрэгтэй -98, +98 кг, залуучуудын эмэгтэй 59, 65, 72 кг, эрэгтэй 71, 79, 88 кг жингүүдийн урьдчилсан болон хүрэл медалийн төлөөх барилдаан.
21:00 – 23:00 Шигшээ барилдаан, шагнал гардуулах ёслолын ажиллагаа