Орхон аймгийн хэмжээнд өнөөдрийн байдлаар коронавирусийн халдварын нийт 7,625 тохиолдол бүртгэгдээд байгаагаас 19 иргэн халдварын улмаас нас баржээ.

Тэгвэл одоогоор 610 хүний хэвтэн эмчлүүлэх ор дэлгээд байгаа аж. Мөн орон нутгийн төсөв мөнгөний асуудлаас болж түргэвчилсэн шинжилгээг иргэдээс төлбөртэй авч байгааг Орхон аймгийн Засаг дарга С.Батжаргал дурдлаа.

Харин коронавирусийн шалтгаант нас баралтыг багасгахын тулд "Remdesivir" тариаг нэн хүнд иргэддээ тарьж байгаа ажээ.

Тус аймагт халдварын нөхцөл амаргүй байгаа ч аж ахуйн нэгжүүдийн үйл ажиллагааг аль болох хязгаарлаж, зогсоохгүй байх бодлого барьж ажиллаж байна. Харин халдвар гарсан зарим сургуулиудыг цахимд шилжүүлэн хичээллүүлж эхэлжээ. 

---