ОХУ-ын ажил олгогчид коронавирусийн эсрэг дархлаажуулалтад хамрагдсан ажилтнууддаа гурван өдрийн цалинтай чөлөө олгох ёстой гэж тус улсын Нийгмийн судалгаа, иргэний санаачилгыг хөгжүүлэх хүрээлэнгээс үзэж байна. Мэргэжилтнүүдийн хэлснээр иргэд вакцины тун бүрийнхээ дараа гурав хоног амрах хэрэгтэй аж. 

Энэ талаар тус хүрээлэнгийн захирал Максим Петунин Оросын Хөдөлмөрийн сайд Антон Котяков, Холбооны Зөвлөлийн тэргүүн Валентина Матвиенко болон Төрийн Думын дарга Вячеслав Володин нарт хандан хүсэлт гаргажээ.

Энэхүү уриалгад "Олон ажил олгогч вакцин тариулахыг хүсэж буй ажилтнууддаа цалинтай чөлөө олгоход бэлэн биш байгаа тул хөдөлмөрийн насны хүн амын асар том давхарга вакцины хүчтэй хариу урвалаас эмээн, цар тахлын халдвараас хамгаалагдаагүй хэвээр байна. Вакцины дараах нэмэлт амралтын өдрүүдийг хууль ёсны дагуу шаардсанаар вакцинжуулалтын түвшин эрс нэмэгдэж, улмаар сүргийн дархлааг тогтооход хувь нэмэр оруулах болно" хэмээн онцолсон байна.

Эх сурвалж: Риа Новости

---