? LIVE: М.Тулгат: З.Энхболд, Ц.Туваан нарыг АН-аас хөөсөн нь үнэн

АН-ын Үндсэн Дүрмийн Хороо энэ сарын 3-нд хуралдаж, АН-ын дарга асан, ЕТГ-ын дарга асан З.Энхболд, АН-ын даргын үүрэг гүйцэтгэгч асан, УИХ-ын гишүүн Ц.Туваан нарт хариуцлага тооцож, АН-ыаас “хөөх” санал яригдсан байна. Уг саналыг 10-р сарын дундуур АН-ын Үндсэн Дүрмийн Хороо дахин хуралдаж, эцэслэн шийдэхээр болжээ.

Уг асуудлаар АН-ын дарга М.Тулгат: Ардчилсан намын үндсэн дүрмийн хороо саяхан хуралдаж, АН-ын гишүүнчлэлээс З.Энхболд болон Ц.Туваан нарыг хасаж, намаасаа хөөх шийдвэрийг гаргасан.
Намын гишүүдээс хэд хэдэн гомдол ирсэн. Үүнд дээрх хоёр гишүүнд арга хэмжээ аваач гэсэн байсан. Тэр гомдлын дагуу шийдвэр гаргасан гэдгийг Үндсэн дүрмийн хорооны даргаас утсаар мэдээлэл авсан. Одоогоор албажаагүй байна.
-Яг ямар гомдол байсан юм бэ?

-УИХ-ын гишүүн Ц.Тувааны хувьд 2020 оны УИХ-ын сонгуулийн дараа Ардчилсан намын хурлаа хийгээгүй, тамгаа алдсан гэх зэрэг асуудлаар намын дотор хагарал үүсгэсэн. Уг асуудалд нь хариуцлага хүлээлгэх ёстой гэж үзсэн байсан. З.Энхболдын хувьд намын өнөөгийн хагарлын цаад зохион байгуулагч байсан гэх агуулга байсан.
Монгол Улсын Ерөнхийлөгч асан Х.Баттулга Үндсэн хуулийн нэмэлт өөрчлөлттэй холбоотойгоор нэр дэвших боломжгүй болсон. Үндсэн хуулийн нэмэлт өөрчлөлтийг хэлэлцэх үед хариуцлага алдаж, дахин нэр дэвших боломжийг нь хаасан гэсэн гомдлын агуулга харагдсан.
Миний хувьд намаас гишүүнээ хөөнө гэдэг нь утгагүй гэж бодож байна.

-С.Жаргалсайхан өөрийн цахим хаягтаа энэ бүхний ард Ц.Элбэгдорж байгаа гэх мэдээллийг дэлгэсэн байсан?

-Хүн бол янз бүрээр юм бодож болно. Төсөөллийн эрх чөлөө юм даа. Ардчилсан намаас ямар нэгэн үйлдэл, шийдвэр гарангуут аль нэг хүний нэртэй холбож ярьдгаа болих хэрэгтэй.

-Ц.Элбэгдоржийн хувьд намдаа эргэн ирж, ажиллаж байгаа юу?

-Ардчилсан нам дотроо зөвлөхүүдийн танхимтай. Уг танхимд улс төрийн нөлөө бүхий хүмүүс багтдаг. Уг зөвлөлд Ерөнхийлөгч асан Ц.Элбэгдорж багтдаг. Хамгийн сүүлд энэ зун намын залуу гишүүдтэйгээ уулзсан байгаа.