УИХ-ын гишүүн асан Д.Оюунхоролыг Хөшигийн хөндийн нисэх онгоцны буудлын даргаар томилжээ

Засгийн газрын ээлжит хуралдаан өглөөний 08:00 цагт эхэлсэн. Хэд хэдэн асуудал хэлэлцэж шийдвэрлэснээ танилцуулсан. Хуралдаан одоо ч үргэлжилж байна.

Дөнгөж сая хуралдаанаас Хөшигийн хөндийн шинэ нисэх онгоцны буудлын даргаар УИХ-ын гишүүн асан Д.Оюунхоролыг томилох шийдвэр гаргажээ. 

Хөшигийн хөндийн шинэ онгоцны буудлын бүтээн байгуулалт өнгөрсөн 7-р сард дуусч, албан ёсоор нээлтээ хийсэн.

Тус онгоцны буудал

-жилд 3 сая зорчигч хүлээн авах хүчин чадал бүхий Зорчигч үйлчилгээний барилга,
-24 агаарын хөлөг зогсох перрон талбай,
-43 метр өндөр Нислэгийн хөдөлгөөний барилга,
-8,000 тонны багтаамж бүхий шатахууны агуулах,
-Жилд 11,900 тонн карго ачаа шуудан нэвтрүүлэх хүчин чадал бүхий карго терминал,
-Олон улсын C9 зэрэглэлтэй Аврах гал унтраах барилга,
-Бие даасан дулааны станц болон цахилгаан шугам сүлжээний дэд барилгууд,
-Хоногт 800 шоо метр цэвэр болон бохир ус цэвэрлэх, ариутгах, татуурга ус цэвэршүүлэх байгууламж зэрэг үндсэн 30 гаруй барилга, байгууламжаас бүрдсэн, олон улсын стандартад нийцсэн шинэ нисэх буудал баригдсан юм.