Монгол Улсын Ерөнхийлөгчийн найм дахь удаагийн сонгуулийн санал хураах үйл ажиллагаа 22:00 цагт дууслаа. Сонгуулийн санал хураалтын ирц ба үр дүнгийн талаар Сонгуулийн Ерөнхий Хорооноос мэдээлэл хийж байна.

СЕХ-ны дарга П.Дэлгэрнаран “Монгол Улсын Ерөнхийлөгчийн ээлжит сонгуулийн санал хураалт явагдаж, нийт 2,087 хэсгийн хороо 22:00 цагт санал хураалтыг дуусгалаа. Одоо сонгуулийн дүн дамжуулж, сонгогчдын саналыг тоолох ажил эхэлж байна.

Улсын хэмжээнд 21:30 цагийн байдлаар 2,087 хэсгийн хороонд бүртгэлтэй 2,041,866 сонгогчоос 1,075,938 иргэн саналаа өгсөн бөгөөд ирц 52.69 хувьтай байв.

Энэ удаагийн сонгуулийн ирц тодорхой шалтгаануудын улмаас сул байлаа” гэв.

---