АНУ-ын зүүн эргийг түлш, шатахуунаар бүрэн хангадаг, тус улсын хамгийн том хий, шатахуун дамжуулах Колонийн хоолой өнгөрсөн долоо хоногт хакердуулж, үйл ажиллагаа нь зогсоод байсан юм. Тэгвэл тус хоолой тав хоногийн турш ажиллагаагүй байсны эцэст лхагва гарагт үйл ажиллагаагаа дахин сэргээнэ гэдгийг эрх баригчид мэдэгджээ.

Хоногт 2,5 сая баррель түлш тээвэрлэдэг 8,900 км урт хоолой цахим халдлагад өртөж, унтарснаас АНУ-ын зүүн эргийн мужуудад шатахууны үнэ нэмэгдэж, онц байдал зарласнаас гадна түлш шатахууны нийлүүлэлт хязгаарлагдаад байсан юм.

Колонийн хоолойн үйл ажиллагааг DarkSide бүлэглэл хакердаж, их хэмжээний барьцаа хөрөнгө нэхсэн гэж Холбооны мөрдөх товчооноос үзсэн. Тус хоолойн үйл ажиллагааг хариуцагчид хакерчдын шаардсан барьцааг төлөхгүй гэдгээ мэдэгдээд байсан юм.

Эх сурвалж: ВВС

---