Литва улсын хөл хоригт Монгол Улс багтжээ
Литва улсын Эрүүл мэндийн яамнаас Коста Рика, Мальдив болон Монгол Улсын эсрэг хилийн хатуу хязгаарлалт тогтоож байгаагаа мэдэгджээ. Ингэснээр тус улс нь Монгол Улсын эсрэг хилийн хатуу хязгаарлалт тогтоосон анхны Шенгений орон болж байгаа юм.
Энэхүү шинэ журам нь 5 дугаар сарын 10-ны өдрөөс хэрэгжиж эхэлсэн бөгөөд 5 дугаар сарын 16-н хүртэл үргэлжлэх аж. Яамны мэдэгдэлд дурдсанаар Коста Рика, Мальдив, Монгол болон бусад 100 гаруй улс орны иргэд Литвад байх хугацаандаа хэд хэдэн хязгаарлалтыг дагаж мөрдөх шаардлагатай байна.
Жишээлбэл, Литвад зочлох хүсэлтэй хүмүүс зайлшгүй санал асуулга бөглөх бөгөөд хил нэвтрэхээс өмнө 72 цагийн дотор коронавирусийн шинжилгээнд хамрагдсан байх ёстой аж. Мөн хилээр нэвтэрснийхээ дараа арав хоногийн турш тусгаарлалтад орох шаардлагатай байна.
Харин тусгаарлалтад орох шаардлага нь дараах бүлгийн хүмүүст хамаарахгүй байна. Эдгээр нь:
- Венийн конвенцод хамрагдсан хүмүүс
- "НАТО"-д алба хааж байгаа хүмүүс, тэдний гэр бүлийн гишүүд, туслахууд
- Гэмт хэрэгтнийг шилжүүлэх ажлыг гүйцэтгэж буй албан тушаалтнууд
- Литвад үндэсний аюулгүй байдлыг хангаж буй гадаадын иргэд
- Эрүүл мэндийн мэргэжилтнүүд
- Хил дамнасан ажилтнууд
- Далайчид
- Тамирчид, спортын мэргэжилтнүүд, дасгалжуулагч нар, эрүүл мэндийн ажилтнууд
- Үндэсний хил хамгаалах байгууллагын Нисэхийн зөвлөлийн ажилтнууд
Эх сурвалж: SchengenVisaInfo.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.