Хөдөлмөр нийгмийн хамгааллын яамны гадаа Хөгжлийн бэрхшээлтэй хүний хөгжлийн ерөнхий газрын удирдлагуудын хууль бус үйлдлийг илчилж, иргэн М.Чулуун-Эрдэнэ гурав дахь өдрөө суулт зарлаж байна. Түүний шаардлагыг дэмжиж, хөгжлийн бэрхшээлтэй иргэд цуглажээ. Учир нь ХНХ-ын сайд А.Ариунзаяагийн тайлбар тэднийг бухимдуулсан байна. 

Тэдний өгүүлж буйгаар иргэн М.Чулуун-Эрдэнийн Хөгжлийн бэрхшээлтэй хүний хөгжлийн ерөнхий газрын удирдлагууд хууль бус тендер зохион байгуулсан, авлига албан тушаалын хэрэг үйлдсэн, ажлын цагаар албаны унаагаар архидан согтуурсан зэрэг зөрчлийн талаар ХНХ-ын сайд А.Ариунзаяа "Өмнөх сайдын асуудлыг би хариуцахгүй" хэмээсэн нь тэднийг М.Чулуун-Эрдэнийн тэмцлийг дэмжин, өнөөдөр олноороо цуглахад хүргэжээ. ХНХЯ-наас одоогоор ямар нэгэн тайлбар хийгээгүй, уг иргэдийг хүлээн авч уулзаагүй байгаа юм байна. 

---