Л.Энхсайхан: Д амин дэм дутагдсан хүн халдвар болон халдварт бус өвчин тусдаг
Эрүүл мэндийн яамны 11 цагийн мэдээллийн үеэр ЭМЯ-ны нийтийн бодлого зохицуулалтын газрын дарга Л.Энхсайхан сэтгүүлчдийн асуултад хариуллаа.
-Хатуу хөл хорионы үед өвчлөл ямар төвшинд байх вэ?
-Хатуу хөл хориог цуцлах, бууруулах шалгуур үзүүлэлт гэж байдаг. Шалгуур үзүүлэлтэд хүрэхгүй байсан учир энэ удаагийн хатуу хөл хориог үргэлжлүүлсэн. Стратеги зөв хэрэгжүүлж чадвал, үр дүнд хүрнэ.
-Витамин C, D дур мэдэн уух нь зөв үү?
-Бидний биед маш их хүч байгаа. Шингэн зүйл уух, сайн унтарч амарвал биеийн дархлаа сэргэдэг. Д амин дэм дутагдсан хүн халдвар болон халдварт бус өвчин тусдаг. Гэхдээ сайн гээд эмчийн зааваргүй хэрэглэх нь тохиромжгүй.
-Өвчнөөс сэргийлэхийн тулд заавал эм уух ёстой юу?
-Урьдчилсан сэргийлэхэд биеийн, сэтгэл зүйн, нийгмийн талаасаа арга хэмжээ авах хэрэгтэй.
-Спутник вакцин хэзээ ирэх вэ?
-900 мянгаас 1 сая тунг вакцины гэрээ хэлэлцээр хийсэн. 300 мянган тунг бэлэглэнэ гэсэн. Хил гаалиар ороод ирэхээр мэдээлэл хүргэнэ.
-Мутацид орсон вирусийн талаар дэлгэрэнгүй хэлж өгөөч.
-ХӨСҮТ, ЭМЯ-ны цахим хуудсаар хүргэнэ. Одоогоор хариу нь гараагүй байна.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.