Цар тахлын үеийн хичээлийн хоцрогдлыг арилгана
БСШУ-ы сайд Л.Энх-амгалан “Карантин-14” шоунд оролцож сүүлийн үед үүсээд байгаа цар тахлын нөхцөл байдлын улмаас шалтгаалж эцэг эхчүүдийн санааг зовоож буй цар тахлын үеийн боловсролын салбарын авч хэрэгжүүлж буй үйл ажиллагааны талаарх асуултад хариуллаа.
Л.Энх-Амгалан 2021.04.21-ны өдрийн нэвтрүүлэгт оролцох үеэрээ “энэ жилийн элсэлтийн ерөнхий шалгалтыг долдугаар сард зохион байгуулна. Хөл хорионы дараа 12 дугаар ангийн сурагчдыг танхимаар давтлагад хамруулна. 10 саяас дээш төгрөгийн төлбөртэй хувийн ЕБС-д хувьсах зардал олгоогүй. Нэгдүгээр ангид орох сурагчдыг наймдугаар сард бүртгэнэ. Хоцрогдол арилгах цогц төлөвлөгөө боловсруулсан. ЕБС-д сэтгэлзүйч ажиллуулах төлөвлөгөөтэй болсон“ гэсэн юм.
Ийнхүү Монгол Улсын Засгийн газар 2020-2030 онд “Хүн бүрт чанартай боловсрол эзэмших эрх тэгш боломж, тэгш хамруулах тогтолцооны шинэчлэл” хийж хэрэгжүүлэхээр урт хугацааны бодлогоо томъёолж тодорхойлсон ба боловсролын багц хуулинд нэмэлт өөрчлөлт оруулж боловсролын салбарын шинэчлэлийг цаг үетэйгээ нийцүүлэхээр идэвхийлэн ажиллаж байгаа билээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.