Нийслэлийн ногоон бүсийн 136 аманд хөдөлгөөнт эргүүл ажиллаж байна
Нийслэлийн Онцгой байдлын газар, Тээврийн Цагдаагийн албаны Замын цагдаагийн газар, Богдхан уулын Дархан цаазат газрын хамгаалалтын захиргаа зэрэг 5 байгууллагын 236 алба хаагч нийслэлийн ногоон бүсийн 136 аманд ой, хээрийн болон шар өвсний түймрээс урьдчилан сэргийлэх хөдөлгөөнт эргүүлийн үүрэг гүйцэтгэж байна.
Тухайлбал, хөдөлгөөнт эргүүлийн алба хаагчид өчигдөр буюу 17-нд гал түймэр гарч болзошгүй таван зөрчлийг илрүүлж газар дээр нь арилгажээ. Ингэснээр ногоон бүсэд зорчиж байсан 857 иргэн, 24 автомашинд санамж сэрэмжлүүлэг хүргэж болзошгүй аюулаас урьдчилан сэргийлжээ.
Мөн Чингэлтэй дүүргийн 12 дугаар хороо далан давхарт жалганд хог, шар өвс шатаж байсныг илрүүлж унтраасан байна.
Иймд нийслэлийн нутаг дэвсгэр түймрийн нэн аюултай зэрэглэлд шилжсэн тул шар өвсний болон ой, хээрийн түймэр гарахаас урьдчилан сэргийлж, сонор сэрэмжтэй байхыг Нийслэлийн Онцгой байдлын газраас анхааруулж байна.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.