Нийслэлийн Засаг даргад Хүүхдийн паркийн газрын зөвшөөрлийг цуцалж цэцэрлэгт хүрээлэн байгуулах шаардлага хүргүүлж байгаа талаар НИТХ-ын төлөөлөгч асан, иргэн Д.Энхсайхан мэдээлэл хийв. 

Иргэн Д.Энхсайхан: 

-Нийслэлийн Засаг дарга Д.Сумъяабазарт гурван зүйлийн шаардлага хүргүүлж байна. ҮСАХ-ийн газрын зөвшөөрлийн асуудлаар иргэдийн дунд нээлттэй сонсгол зохион байгуулж өгөөч. "Бодь групп"-ийн газрын зөвшөөрлийг цуцлаач. Мөн, ҮСАХ-г цэцэрлэгт хүрээлэн хэвээр нь үлдээж өгөөч гэж хүсэж байна. 

Монгол улсын газрын тухай хуульд зааснаар "Гэрээнд заасан нөхцөлөө зөрчсөн бол", "Хүндэтгэн үзэх шалтгаангүйгээр хоёроос дээш жил газраа ашиглаагүй бол цуцална" гэж заасан байдаг. Нийслэлийн Засаг дарга хэрэв хүсэх юм бол ҮСАХ-гийн газрын зөвшөөрлийг цуцлах хуулийн бүхий л боломж бүрдээд байна. Хэрэв энэхүү шаардлагыг хүлээн авахгүй бол тэмцлийн дараагийн хэлбэрт шилжинэ гэв. 

---