БНСУ-ын Гадаад хэргийн яамны мэдээлснээр өнгөрсөн нэгдүгээр сард Иран улсад баригдаад байсан Өмнөд Солонгосын зөөвөрлөгч усан онгоц, тэнгисийн цэргийн ахмадыг суллажээ.

Иран улс Ормузийн хоолойн ойролцоогоос Ханкук Чеми тээвэрлэгч хөлгийг далай тэнгисийн бохирдлын эсрэг дүрэм журам зөрчсөн хэрэгт буруутган саатуулсан. Хөлгийн багийн 20 гишүүнийг хоёрдугаар сард сулласан боловч багийн ахмадыг саатуулсан хэвээр байсан юм.

Тухайн үед АНУ-ын Ираны эсрэг тавьсан хориг арга хэмжээний хүрээнд БНСУ-ын банкууд Иранаас үүсэлтэй хөрөнгийг царцаасан байсан боловч Ираны Засгийн газар Өмнөд Солонгосын хөлөг онгоцыг саатуулсан нь үүнтэй ямар ч хамааралгүй гэж мэдэгдсэн.

Гэвч Сөүл болон Тегеран нийт долоон тэрбум ам.долларын хөрөнгийн урсгалыг нээх талаар хэлэлцээр хийж эхэлсний дараа Өмнөд Солонгосын усан онгоц, ахмадыг чөлөөлж байна. Өмнөд Солонгосын Гадаад харилцааны яамнаас хөлгийн ахмад болон багийн гишүүдийн эрүүл мэнд сайн, хөлгийн ачаа бараанд ямар ч асуудал үүсээгүй гэдгийг хэлжээ.

Хөлгийн багийн гишүүдийн дунд 11 Мьянмар, таван Өмнөд Солонгос, хоёр Вьетнам, хоёр Индонезийн иргэд багтжээ.

Эх сурвалж: ВВС

---