БНЧУ-ын хамгийн баян эрхэм нисдэг тэрэгний ослоор нас баржээ
БНЧУ-ын хамгийн чинээлэг эрхэм, дэлхийн хэмжээний тэрбумтан Петр Келнер нисдэг тэрэгний ослоор нас баржээ. 56 настай тэрбумтан Аляскад осолдсон байна.
Тэрбумтны эзэмшдэг PPF группын мэдээлснээр уг ослоор таван хүн нас баржээ. Албан ёсны мэдэгдэлд “гуравдугаар сарын 27-ны бямба гарагт Аляскийн ууланд болсон нисдэг тэрэгний ослоор PPF группыг үүсгэн байгуулагч, эзэмшигч ноён Петр Келнер нас барсанд гүн эмгэнэл илэрхийлж байна” гэжээ.
Келнер нь Чех улсад коммунист дэглэм нурж, ардчилалд шилжих үед бизнесээ эхлүүлэн 17,5 тэрбум ам.долларын эзэнт гүрнийг босгожээ. Түүний байгуулсан групп Европ, Ази, АНУ-уудад биотехнологи, хэвлэл мэдээлэл, үйлдвэрлэл, цахилгаан холбоо, хөрөнгө оруулалт санхүү, даатгалын чиглэлээр үйл ажиллагаа явуулдаг байна.
Эх сурвалж: 7 news
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.