Архангай аймаг улбар шар түвшинд шилжлээ
Архангай аймагт энэ сарын 24-нд дөрвөн тохиолдол батлагдаж Эрдэнэбулган, Булган, Цэнхэр, Хашаат, Хангай, Тариат сумдад тодорхойгүй хугацаагаар хөл хорионы дэглэм тогтоож, гарах хөдөлгөөнийг хаажээ.
Дээрх сумдад байнгын оршин суугаа хаягтай тохиолдолд нэг удаа орох хөдөлгөөн хийхийг зөвшөөрөх гэнэ.
Батлагдсан дөрвөн тохиолдлын хоёр нь Улаанбаатар хотоос зөөвөрлөгдөн ирсэн томилолтын багийн хоёр ажилтан бөгөөд үлдсэн хоёр аймгийн Нэгдсэн эмнэлгийн хоёр ажилтнаас илэрсэн байна.
Эрүүл мэндийн сайдын тушаалаар эмнэлгийн байгууллагын нийт албан хаагчдаас 7 хоног бүр вирусийн шинжилгээг нэгдсэн журмаар авдаг бөгөөд өнөөдөр ийнхүү хоёр ажилтнаас илэрлээ.
Хоёр ажилтны гэр бүлийн хүн хот хооронд ачаа тээврийн жолооч хийдэг аж. Батлагдсан тохиолдлуудын ойрын болон дам хавьтлыг тогтоон, тусгаарлах арга хэмжээ аван ажиллаж байна.
Иргэн бүр хариуцлагатай байж, халдвар хамгааллын дэглэмээ чанд сахихыг АОК-оос анхааруулж байна.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.