Монгол түмний түүх, уламжлалт шашин, соёлыг хадгалан хамгаалах, хөгжүүлэх зорилгоор Өвөрбаясгалант “Хамарын хийд”, “Эрдэнэт үйлдвэр” ТӨҮГ-ын удирдлагууд хамтран ажиллах санамж бичиг үзэглэлээ.

Уг санамж бичгийн хүрээнд Эрдэнэт үйлдвэрийн ажилчид болон ахмадууд Хамарын хийд, Шамбалын орон, түүний харьяа ойр орчмын түүх, шашин, соёлын дурсгалт газраар аялахдаа “Таван дохио” жуулчны бааз, Говийн ноён хутагтын музейгээр 10 хувийн хөнгөлөлттэй үнээр үйлчлүүлэх юм. Эрдэнэт үйлдвэрийн ажилтан гэдгээ нотлох хүчин төгөлдөр үнэмлэхээ үзүүлээд энэхүү эрхийг эдлэх бөгөөд санамж бичиг гурван жилийн хугацаатай хэрэгжинэ.

Түүнээс гадна хийдийн хуралд Эрдэнэт үйлдвэрийн ажилчдыг багтаан даатгаж байх, Монгол түмний түүх, уламжлалт шашин, соёлыг түгээх, хөдөлмөрийн хүнийг зөв төлөвшүүлэх зэрэг  чиглэлд хамтран ажиллахаар санамж бичигт тусгасан  тухай тус ажлыг санаачлан, зохион байгуулж буй Эрдэнэт үйлдвэрийн Нийгмийн харилцааны хэлтсээс мэдээллээ.    

 

---