Мэргэжлийн боловсрол, сургалтын үнэлгээ, мэдээлэл, арга зүйн төвийнхөн иж бүрэн тохижуулсан “Шалгалтын төв”, “Мультимедиа” студитэй болжээ.

Ингэснээр сурагчдад явуулж цахим сургалт чанартай, үр өгөөжтэй болно гэдгийг ХНХ-ын сайд А.Ариунзаяа тус төвийг нээж хэлсэн үгэндээ онцолжээ.

Тэрбээр, “Цар тахлын нөхцөл байдлын үед цахим сургалт маш чухал үүрэг гүйцэтгэж байна. Үүнийг дэмжиж Мэргэжлийн боловсрол сургалтын салбарын хөгжилд дэмжлэг үзүүлж сургалтын хүртээмжийг нэмэгдүүлэх, суралцагчдад зориулсан цахим хичээл хэрэглэгдэхүүн бэлтгэх нөхцөлөөр хангаж байгаад талархал илэрхийлье” гэсэн байна.

“Шалгалтын төв”-ийг Азийн хөгжлийн банкны санхүүжилтээр иж бүрэн тохижуулж, тоног төхөөрөмж, сургалтын ширээ сандлыг авч өгсөн бөгөөд энэ төвд Мэргэшлийн түвшин тогтоох онолын үнэлгээг тестийн сан, онлайн шалгалтын систем ашиглан цаашид зохион байгуулах юм байна.

---